Curriculum hausnarketa

Ostiraleko klasean, otsailaren 5 ean, curriculumari  buruz hitz egin genuen.

Esan beharra dago hainbat curriculum mota desberdinak daudela, hala nola; curriculum nuloa:  hezkuntzak alde batera uzten dituen gaiak, esate baterako: heriotza, sexualitatea, besteak beste. Curriculum formala: adosten dena da. Curriculum erreala: benetan betetzen dena, hau da; praktikan jartzen dena eta curriculum ezkutua: jarrera eta baloreekin lotuta dago. Alderdi positiboak (lan taldean aritzen ikasten) eta alderdi negatiboak (ikasgeletan ematen den sexismoa) antzeman daitezke.

Hau egin eta gero, gelako talde guztiok hainbat argazki aztertu ditugu ikusten genituen ezaugarriak nabarmenduz. Hauek dira gelan ikusitako argazki batzuk: 

Argazki guzti hauek hezkuntzarekin zerikusia dute. Hezkuntza oso garrantzitsua da, haurtzaroan batez ere.

Biñeta guzti hauetan, sexismoa, indarkeria, irakasleen rola, matxismoa, etab. ikusi dezakegu.

Alde batetik, kontuan izan behar dugu, haurrak eredutzat hartzen gaituztela, hau da; hauek guk egiten eta irakasten dioguna egiten dutela. Horregatik, gure profesioa gustatzea eta kasu honetan irakasleen rola kontuan izanez gero, ematen diren gaiak aktiboki irakastea eta transmititzea haien interesa pizteko eta arreta mantentzeko garrantzitsua da.

Beste aldetik, hezitzaileek haurrak ezagutu behar dituzte eta haur bakoitzak bere erritmoa eta bere denbora daukala errespetatu behar dute, beraz irakasleek ikasleen beharretara egokitzea garrantzitsua da, haiek ondo sentiarazteko.

Ondoren, aipatzekoa da emakumeen eta gizonen artean ematen diren desberdintasunak handiak direla. Egoera hauek egunero aipatzen ditugu hezkuntza sisteman, maisu-maistrak bezala diskriminazio hauek saihesten lortu behar ditugulako. Eskolan ematen diren desberdintasunak tratatzea oso garrantzitsua da. Gehienetan, mutilei garrantzia handiagoa ematen zaie neskei baino, hau da, neskei gutxiesten zaiela esan dezakegu.

Argazki guzti hauetan ateratako ondorioak arazo larriak direla pentsatzen dut, beraz horrela ez jarraitzeko, gaur egungo hezitzaileok pentsamoldea aldatzeko aukera daukagu. Libreki espresatzeko aukera izan behar dugu.

 “Pentsatzen eta ez soilik zin egin erakutsiko digun hezkuntzaren alde”

Esaldi hau asko gustatu zait. Haurrek ez dute bakarrik guk esaten dioguna egin behar, bere kabuz egiten ikasi behar dute eta. Gure lana etorkizunerako prestatzea da, bai arazoen aurrean irtenbide bat bilatzeko baita nahi dutena egiteko aukera izateko ere. Nire ustez, haurrak libreki pentsatzea eta espresatzea oso garrantzitsua da.

Besterik gabe, hona hemen nire hausnarketa eta zuen gustukoa izatea espero dut.